Vegna forfalla er hús nr. 9 í Svignaskarði laust til útleigu helgina 25 - 28. nóvember. Nú er um að gera að bregðast fljótt við því nú gildir reglan fyrstur kemur fyrstur fær.

Eins og fram kom í fréttum ruv.is og bb.is þá eru viðræður Sjómannasambands Íslands (SSÍ) við Landssamband smábátaeigenda (LS) um kaup og kjör sjómanna á smábátum hafnar. Fram kemur að mikið beri á milli deiluaðila, enda ekki að undra þar sem ekki er til heildstæður gildandi kjarasamningur um kjör smábátasjómanna á landsvísu. Í dag eru laun og réttindi margra smábátasjómanna fyrir borð borin og oft verið að gjaldfella réttindi þegar kemur að veikindum og slysum þessara sjómann.  Þetta hefur verið að skapa mikla óánægju hjá smábátasjómönnum enda á slíkt ekki að líðast að þessi réttindi séu gjaldfelld.

Fyrr í haust var hafinn undirbúningur að viðræðum við landshlutafélög LS á Vestfjörðum, Eldingu við Djúp, Krók á sunnanverðum Vestfjörðum og Strandamenn. Var ætlunin að Verk Vest ásamt Verkalýðs- og sjómannafélagi Bolungavíkur (VSB) ásamt Vestfjarðarfélögunum í LS settust að samningaborðinu og voru lögð fram drög að kjarasamningi. Því miður náðist ekki samstaða meðal LS manna á Vestfjörðum að fara þessa leið, þess vegna veittu Verk Vest og VSB Sjómannasambandinu umboð til að fara í kjaraviðræður við LS fyrir þeirra hönd. Þess má geta að Verk Vest og VSB tölu ríka hagsmuni liggja að því að semja heima, en því var hafnað.

Svört vinna mest á Vestfjörðum en minnst á Norðausturlandi !

Í tengslum við gerð kjarasamninga í vor skapaðist umræða
um hvernig minnka mætti svarta atvinnustarsemi og bæta viðskiptahætti í
landinu. Árangurinn var átaksverkefnið „Leggur þú þitt af mörkum?" sem
unnið var í samvinnu Ríkisskattstjóra (RSK), ASÍ og SA. Heimsótt voru
yfir tvö þúsund lítil og meðalstór fyrirtæki í sumar og fengu 55% þeirra
athugasemdir. Rætt var við sex þúsund starfsmenn og reyndust 12% þeirra
vinna svart, flestir á Vestfjörðum eða 18,5%. Vert er að vekja á því athygli að þrátt fyrir að einna minnst atvinnuleysi sé á Vestfjörðum, þá skuli hlutfall þeirra sem vinna svart vera eins hátt og kemur fram í skýrslunni. Tap þjóðarbúsins vegna svartrar
atvinnustarfssemi nemur 13,8 milljörðum á ári.
...
Meira

Stjórn Verkalýðsfélags Vestfirðinga lýsir yfir stuðningi við ályktun miðstjórnar Samiðnar þar sem fram kemur hörð gagnrýni á inngrip stjórnvalda í frjálsa kjarasamninga með einhliða breytingu á skattlagningu séreignasparnaðar. Nái þessar fyrirætlanir stjórnvalda fram að ganga hlýtur verkalýðshreyfingin að hvetja félagsmenn sína til að hætta að leggja í séreignarsparnað umfram 2% af eigin launum.

Með þessari einhliða aðgerð stjórnvalda er verði að ganga að séreignarsparnaðarformi launþega dauðu. Líkt og bent er á í ályktun frá nýafstöðnu þingi SGS þar sem kemur fram að sá hluti sem er umfram 2% lendir að mestu í eignaupptöku stjórnvalda þar sem bæði inn- og útgreiðsla sparnaðarins verður skattlögð. Tvísköttunin leiðir til þess að milli 60 og 70% af höfuðstól sparnaðarins greiðist í skatt.

Við þær aðstæður sem almenningur býr við í dag er áríðandi að stjórnvöld hvetji til sparnaðar frekar en dregið verði úr honum. Fyrir liggur að vextir af sparnaðinum verða skattlagðir eins og launatekjur en ekki eins og fjármagnstekjur. Þannig verði mökuleikar til sparnaðar skertir eins leiða má líkum að verði þessi gjörningur að veruleika.

Á fundi formanna innan Sjómanna sambands Íslands ( SSÍ ) sem haldin var dagana 21 - 22. októberl síðast liðinn var samþykkt að senda eftirfarandi ályktun til Innanríkisráðherra um tafarlausa lausn á björgunarþyrlumálum Landhelgisgæslunnar. En frá og með næstu áramótum mun skapast neyðarástand þar sem aðeins ein björgunarþyrla mun verða til taks verði ekkert að gert. 

"Verði ekkert að gert strax varðandi þyrlukost Landhelgisgæslunnar er hætt við að hættuástand skapist fljótlega. Landhelgisgæslan á eina þyrlu og er með aðra til leigu til ársins 2014. Um næstu áramót fer önnur þyrlan í 3ja mánaða skoðun og verður þá aðeins ein þyrla tiltæk. Megin verkefni þyrlanna er að annast leit og björgun, en einnig sinna þær brýnum sjúkraflutningum og öðrum öryggistengdum verkefnum. Á 17 ára tímabili frá 1994 - 2010 hefur alls 1513 einstaklingum verið bjargað með þyrlum Landhelgisgæslunnar. Þar af voru bjarganir á sjó alls 361 og um helmingur þeirra utan 20 sjómílna. Í um 71% tilvika er talið að notkun björgunarþyrlu hafi skipt sköpum við björgunina. Það er því lífsspursmál fyrir sjómenn að alltaf séu tiltækar þyrlur til björgunar þegar óhöpp verða.

Formannafundur SSÍ haldinn í Stykkishólmi dagana 21. og 22. okt. 2011 skorar því á innanríkisráðherra að tryggja að Landhelgisgæslan fái nú þegar a.m.k. tvær stórar þyrlur til viðbótar núverandi þyrluflota sínum til að hún geti sinnt lögbundnu hlutverki við eftirlits og björgunarstörf."