Þeir umsækjendur um atvinnuleysistryggingar sem hafa tekjur þurfa því ekki lengur að skila inn afriti af launaseðlum né upplýsingum um reiknað endurgjald. Þessi í stað er mikilvægt að umsækjendur sem hafa tekjur geri grein fyrir þeim með því að fylla út eyðublaðið „Áætlun um tekjur" sem er að finna hér á vefnum. Ef ekki hefur verið gerð grein fyrir öllum tekjum má búast við að greiðslur stöðvist þar til upplýsingar um þær berast Greiðslustofu.
...
Meira

Haft er eftir Eiríki Jónssyni að langt sé í land að sátt náist um aðgerðir í efnahagsmálum, en stíf fundarhöld hafa verið um stöðugleikasáttmála sem hefur verið í smíðum á milli aðila vinnumarkaðar og ríkisstjórnar.  Heimildir fréttastofu RÚV herma að ASÍ, SA og sveitafélögin vilji leggja meiri áherslu á niðurskurð en skattahækkanir. SA hefur samþykkt hækkun tryggingagjalds sem eykur álögur á atvinnulífið um 12 milljarða á ári, en gagnrýna að stjórnvöld hafi ekki sýnt fram á hvernig þau hyggist skera niður næstu ár. Þegar hefur verið boðaður niðurskurður í ráðuneytum og stofnum og framlög til framkvæmda hafa verið lækkuð.  Nánari umfjöllun má nálgast á vef ruv.is

Stjórn og trúnaðarráð Verk Vest er boðuð til fundar fimmtudaginn 25. júní kl. 20:00 í húsi félagsins Pólgötu 2 á Ísafirði. Mjög áríðandi er að sem flestir sjái sér fært að mæta vegna þess samkomulags sem nú er á borðinu í viðræðum við atvinnurekendur og stjórnvöld.

 
Fundarefni.

1. Staða í kjaraviðræðum

2. Stöðugleikasáttmáli

3. Önnur mál.

Laugardaginn 27. júní kl. 15 - 18 verður fjölskyldudagur á vegum Verk-Vest í Raggagarði í Súðavík. Þar hafa heimamenn komið upp fallegum fjölskyldugarði með mörgum og fjölbreyttum leiktækjum.

Sitthvað verður til skemmtunar og boðið verður upp á grillaðar pylsur og kennske eitthvað fleira. Félagsmenn eru hvattir til að mæta með fjölskyldum sínum og eiga saman góða og skemmtilega stund í fögru umhverfi.

Nú er einmitt rétti tíminn til að treysta og styrkja sambandið við fjölskyldu og félaga.

Upplýsingar um Raggagarð og söguna bak við hann eru hér: http://www.raggagardur.is/

Alþýðusamband Íslands stóð fyrir ráðstefnu um ábyrgð og hlutverk stjórnarmanna í líferyissjóðum í Þjóðmenningarhúsinu þann 11. júní sl.  Aðaláhersla ráðstefnunnar var á siðferði og ábyrgð í viðskiptum, en það var megin inngangurinn í erindum þeirra Salvarar Norðdal sem hefur förstöðu fyrir Siðfræðistofnun Háskóla Íslands og Stefáns E. Stefánssonar sem kemur frá Eþikos, fræðslu- og rannsóknarmiðstöð Háskólans í Reykjavík.  Þá fluttu einnig erindi Kristján Gunnarsson formaður SGS og Guðmundur Gunnarsson formaður rafiðnarsambandsins, en þeir fóru yfir þá vinnu sem hefur verið í gangi hjá miðstjórn og skipulags- og starfsháttarnefnd ASÍ er varða reglur um innri starfsemi lífeyrissjóðanna og samfélagslega ábyrgar fjárfestingar lífeyrissjóðanna. Forseti ASÍ setti ráðstefnuna og fór yfir þær árásir sem lífeyrissjóðirnir hefðu orðið fyrir af hálfu fjölmiðla eftir bankahrunið. Þar hefuð sjóðirnir orðið fyrir mjög ómaklegum árásum, sem og fulltrúar verkalýðshreyfingarinnar í stjórnum sjóðanna.  Nánar má lesa um ráðstefnuna á vef ASÍ.