Það hefur væntanlega ekki farið fram hjá neinum að peningastefnunefnd Seðlabankans ákvað í morgun að lækka stýrivexti um 1%. Þessi ákvörðun mælist illa fyrir hjá aðilum vinnumarkaðarins, sem undanfarið hafa rætt stöðugleikasáttmála með þátttöku ríkisvaldsins og sveitarfélaga, og höfðu vænst þess að vextirnir færu nú loks niður fyrir 10%.
Gylfi Arnbjörnsson forseti ASÍ segir á vef sambandsins í dag að þetta séu gríðarleg vonbrigði.
Eftirfarandi frétt er af vef ASÍ:...
Meira

Stjórn og trúnaðarráð Verk Vest hefur verið boðað til fundar vegna tilboðs sem SA hefur lagt fram í viðræðum um stöðugleika á vinnumarkaði. Á formannafundi SGS hjá sáttasemjara í gær var farið yfir stöðuna og það tilboð sem SA hefur lagt fyrir samninganefnd ASÍ. Tilboðið gengur út á að tvískipta launahækkunum sem áttu að koma inn þann 1. mars sl. þannig að frá 1. júlí hækki taxtalaun á almennum markaði um kr.6.750, þann 1. nóvember hækki laun aftur um kr.6.750 og þá muni launaþróunartrygging upp á 3,5% einnig koma til framkvæmda. Þá vilja SA fresta launahækkun sem átti að taka gildi 1. janúar 2010 til 1.september 2010.

...
Meira

Eitt af brýnustu framhaldsverkefnum nýrrar ríkisstjórnar hlýtur að vera tímabundin aftenging vísitölu neysluverðs. Þannig verði hægt að draga úr jaðaráhrifum skattahækkana sem voru samþykkt af Alþingi í gærkvöldi. Verði þetta ekki gert mun allt tal um hina margfrægu skjaldborg heimilanna snúast upp í andhverfu sína.  Við höfum ekki farið varhluta af hækkuðum álögum á eldsneytisverð á undanförnum vikum. Það munar alla um þær 16 krónur sem bensínlíterinn hefur hækkað síðustu tvær vikur. Álögur á alla landsmenn í formi aukinna jaðarskatta verður að linna.
...
Meira

Á nýafstöðunum aðalfundi félagsins var farið yfir stöðu og horfur í kjaramálum. Var í því samhengi sérstaklega horft til þeirra viðræðna sem nú fara fram um víðtæka sátt á vinnumarkaði og endurskoðun kjarasamninga sem var frestað í febrúar sl.  Fundurinn samþykkti að senda frá sér eftirfarandi ályktun.

"Aðalfundur Verkalýðsfélags Vestfirðinga  23. maí 2009 beinir þeim eindregnu tilmælum til forseta ASÍ að beita sér af fullum þunga fyrir því að kjör lágtekjufólks verði varin með öllum hugsanlegum ráðum í viðræðum um endurskoðun kjarasamninga sem fram fara um þessar mundir.

 

Eigi árangur þess samkomulags sem nú er undir að verða stöðugleiki og sátt,  þá verða þeir sem hærri hafa tekjurnar að taka á sig stærri hluta byrðanna.  Það verður að hafa algjöran forgang að eyða þeim ójöfnuði sem ríkir í þjóðfélaginu í dag.  Höfum slagorð 1. maí að leiðarljósi og tökum öll þátt í að byggja réttlátt þjóðfélag."

 

Eins og menn muna stóð orlofsnefnd Verk-Vest fyrir Flateyjarferð í fyrrasumar. Ferðin þótti vel heppnuð og var almenn ánægja með hana meðal 68 þátttakenda.
Nú er fyrirhuguð rútuferð með leiðsögn um Ísafjarðardjúp fyrir félagsmenn Verk-Vest laugardaginn 13. júní n.k. 
Ferðin tekur um 12 tíma. Lagt verður af stað frá Pólgötu kl. 10 að morgni og áætlað er að komið verði aftur til Ísafjarðar kl. 22:00...
Meira