Laugardaginn 28. febrúar kl. 13:30 verður haldinn í Fræðslumiðstöð Vestfjarða opinn kynningarfundur um námsskrána Aftur í nám. Námið er ætlað fullorðnu fólki sem á við lestrar- og skriftarörðugleika að etja og hefur gefið góða raun víða um land að því leyti að stærstur hluti þeirra sem tekið hafa þátt í því hefur haldið áfram námi, ýmist í símenntunarmiðstöðvunum eða í framhaldsskólum, eins og segir í fréttatilkynningu Fræðslumiðstöðvarinnar.
Félagsmenn eru hvattir til að mæta og fræðast um þetta nám. Þekking á lestrar- og skriftarörðugleikum hefur tekið stórstígum framförum á síðari árum og hér er verið að opna nýjar leiðir fyrir þá sem áður ráku sig á veggi í menntakerfinu.

...
Meira

Vefnum hefur borist tvíblöðungur frá frá Fræðslumiðstöð Vestfjarða, þar sem sagt er frá námskeiðum sem verða í boði á norðanverðum Vestfjörðum á næstunni. Þar kennir margra grasa, allt frá stjörnuskoðun til verkefnastjórnunar. Sérstaka athygli vekur opinn kynningarfundur um námsskrána Aftur í nám, sem ætluð er fullorðnu fólki sem á við lestrar- og skriftarörðugleika að etja. Þeir sem þannig er ástatt um urðu oft illa úti í menntakerfi okkar áður fyrr, þegar þekking manna á lesblindu var afar takmörkuð. Núorðið er alkunna að þeir sem glíma við þessa erfiðleika hafa oftar en ekki greind yfir meðallagi og ákaflega ríka sköpunargáfu. Það er þess vegna hagur samfélagsins alls, ekki síst nú á krepputímum, að nýta þessa hæfileika til fulls.

Fleira er frásagnarvert í bígerð hjá fræðslumiðstöðinni; námskeið um fjármál og heimilisbókhald

...
Meira

Við þær aðstæður sem nú hafa skapast í atvinnulífi landsmanna er nauðsynlegt að halda rekstri fyrirtækja gangandi. Þó er ekki ólíklegt að einstaka fyrirtæki fari í gjaldþrot eða einhver skipti um eigendur.  Þessi staða á vinnumarkaði gæti valdið starfsfólki áhyggjum um eigið atvinnuöryggi og framtíð heimila þeirra.  Stéttarfélögin munu leitast við að veita félagsmönnum sínum alla þá aðstoð og ráðgjöf sem unnt er, en félögin hafa gott og vel þjálfað starfsfólki í sinni þjónustu.

...
Meira

Ljóst þykir að þau verkefni sem ennþá bíða afgreiðslu hjá nýju ríkisstjórninni þola enga bið. Nauðsynlegt er að bretta upp ermar og láta verkin tala, leggja til hliða ómálefnalegt dægurþras og óþarfa málalengingar á meðan þjóðin rambar á barmi gjaldþrots ef marka má nýjustu spár og fréttir þar um....
Meira

Páskaleiga dagana 8 - 14. apríl er ennþá laus til umsókna í Ölfusborgum og Svignaskraði. Fyrstur kemur, fyrstur fær. Vinsamlegast hafið samband við skrifstofu félagsins í síma 4565190 eða postur@verkvest.is