Translate to

Fréttir

Opnað fyrir páskaumsóknir 1. febrúar

Ásholt 2 Ásholt 2

Opnað verður fyrir umsóknir um orlofshús Verkalýðsfélags Vestfirðinga fyrir páskavikuna 2018  fimmtudaginn 1. febrúar kl. 8:00.  Orlofshúsin sem eru í úthlutun eru: Bjarnaborg, íbúðir í Reykjavík og íbúð á Akureyri, Svignaskarð og Ölfusborgir. Ekki er hægt að sækja um ákveðin hús/íbúð að undanskilinni stóru íbúðinni í Reykjavík.

Félagsmenn geta farið inn á orlofsvef félagsins og sótt um með því að velja: Páskar.  Hægt verður að sækja um einn kost og annan til vara.  Páskavikan sem er í boði er yfir tímabilið: 27. mars – 3. apríl.

Vikan kostar 30.000.kr. (Íbúð 605 vikuleiga 33.000.kr.) og 18 punkta. Þeir ganga fyrir í úthlutun sem eiga flesta punkta.

Umsóknir þurfa að berast í síðasta lagi 12. febrúar 2018.

Úthlutun fer fram 13. febrúar og munu allir þeir sem sóttu um fá senda niðurstöðu úthlutunarinnar í tölvupósti. Gott er að félagsmenn yfirfari upplýsingar um netfang og símanúmer á orlofsvefnum til að tryggja að allt sé rétt skráð. Það er hægt að gera með því að velja: „Síðan mín“ á rauða borðanum og svo „Mínar upplýsingar“ vinstra megin á síðunni.

Starfsfólk Verk Vest mun aðstoða félagsmenn eftir þörfum við umsóknir á vefnum í síma 456 5190

Deila