Þeir trúnaðarmenn sem tóku þátt í námskeiði fyrr í vetur eru beðnir að taka frá fyrstu vikuna í maí fyrir framhaldsnámskeið trúnaðarmanna....
Meira

Gilda frá 1. febrúar 2008. Skoðið launaseðla og hafið samband við félagið ef hækkun skilar sér ekki.

IMPORTANT NOTICE

WAŻNY OGŁOSZENIE

สำคัญ การประกาศ

 

 

 

Þeir félagsmenn Verk Vest sem ekki hafa lokið almennum ökuréttindum geta nú sótt um styrk hjá öllum fræðslusjóðunum nema sjómennt. Hver félagsmaður getur einungis sótt um slíka styrki einu sinni líkt og styrkir til aukinna ökuréttinda. Hámarksupphæðin er sú sama og almennt gildir um hámarksupphæðir sjóðanna hverju sinni og þó aldrei meiri en 75% af kostnaði náms. Styrkurinn er greiddur út þegar ökunámi er að fullu lokið.

Íbúð Verk-Vest í Furulundi 8 á Akureyri, sem hefur verið í fastri leigu að vetrinum mörg undanfarin ár, er nú komin í úleigu til félagsmanna eins og íbúðir félagsins í Reykjavík. Upphaflega var reynt að leigja íbúðina til félagsmanna viku í senn allt árið, en dræm aðsókn að vetrinum varð til þess að hún var leigð skólafólki á veturna en leigð til félagsmanna á sama hátt og orlofshús að sumrinu.

Íbúðin í Furulundi var í fastri leigu í vetur, en um áramótin breyttust hagir leigjenda þannig að þeir gátu ekki leigt áfram.
Ákveðið hefur verið að leigja félagsmönnum viku í senn í vetur, enda eru samgöngur nú orðnar mun auðveldari milli Vestfjarða og Akureyrar en var þegar föst vetrarleiga var tekin upp, þó vissulega sé mikið óunnið í þeim efnum, einkum Vestfjarðamegin. Ekki má svo gleyma því að Eining-Iðja er vinafélag Verk-Vest og Akureyri er ört vaxandi bær sem hefur upp á margt að bjóða. Kannski góð tilbreyting að fara ekki alltaf suður?

Þess má geta að íbúðin fékk mikla yfirhalningu í sumar og er nú sem ný. Nánari upplýsingar fást á skrifstofu félagsins, eða hér á vefnum undir ORLOFSSJÓÐUR

Þann 1. janúar 2008 hækkuðu grunnatvinnuleysisbætur um 3,3 % og hækka greiðslur á atvinnuleysisdag hjá þeim sem er með fullar bætur úr kr. 5.272.- í kr 5.446.-
Fullar grunnatvinnuleysisbætur á mánuði hækka úr kr. 114.244.- í kr. 118.015.-

Hámarksfjárhæð greiðslna vegna tekjutengdra atvinnuleysisbóta skv. 32.gr laga nr. 54/2006 verða kr. 191.518 á mánuði.
Frítekjumark skv. 36. gr. laganna verður kr. 53.716.- á mánuði.

Greiðslur í fæðingarorlofi og viðmiðunartölur hækkuðu almennt um 3,3% nú um áramótin. Fæðingastyrkur til nema í fullu námi hækkaði hins vegar öllu meira.
Fæðingastyrkur til nema í fullu námi er nú sá sami og lágmarksgreiðslur til fólks á vinnumarkaði í 50-100% starfi. Allar nánari upplýsingar um fæðingar- og foreldraorlof má lesa hér.

Frá og með 1. janúar 2008 munu styrkir til aukinna ökuréttinda hækka úr kr. 81.000.- í kr. 100.000.- 

Hér er um að ræða hækkun sem færir styrki til aukinna ökuréttinda hjá Landsmennt nær þeirri upphæð sem Starfsafl var að greiða á síðasta ári en þar voru styrkir til aukinna ökuréttinda að upphæð 101.000.- og verða áfram þannig á þessu ári.

Sjómennt ákvað að hækka sína styrki vegna aukinna ökuréttinda í kr. 100.000.- á þessu ári og því þótti eðlilegt að Landsmennt gerði það líka. Engin önnur breyting var gerð á upphæðum annarra styrkja.

Upplýsingar á heimasíðu Landsmenntar verða uppfærðar með tilliti til þessarar breytingar.

Þann 1. janúar 2008 hækkar persónuafsláttur einstaklinga um 5,86% eða 1.884 kr. vegna hækkunar vísitölu neysluverðs milli desember 2006 og 2007. Við það munu skattleysismörkin hækka um kr. 5.274 frá sama tíma.
Ástæðu þessarar hækkunar má rekja til þess að Alþýðusamband Íslands samdi um það við síðustu ríkisstjórn við endurskoðun kjarasamninga í júní 2006 að taka aftur upp verðtryggingu persónuafsláttar og þar með skattleysismarka , og kemur það til framkvæmda nú um áramótin.

Verkalýðsfélag Vestfirðinga óskar félagsmönnum og fjölskyldum þeirra gleðilegra jóla og farsældar á nýju ári.

Merry Christmas and a happy new year!

Wesolych Swiat Bozego Narodzenia.

Priecigus Ziemsvetkus un laimigu Jauno Gadu!

Maligayang Pasko at manigong bagong taon.

เมอรี่คริสต์มาส และสวัสดีปีใหม่

Skrifstofa félagsins verður lokuð yfir hátíðarnar, nema hvað opið verður fimmtudag og föstudag, 27. og 28. des.
3. janúar hefst svo hefðbundin starfsemi á nýju ári.

Stjórn Verkalýðsfélags Vestfirðinga samþykkti á fundi þann 6. nóv. að veita eldri félögum kr5000,- í styrk hyggist þeir sækja fræðslu eða tómstundanámskeið. Í skammdeginu gefst oft færi á að sækja margskonar námskeið, hvort heldur sem er til fræðslu eða tómstunda....
Meira

Mánudaginn 29. október sl. var opnaður nýr fræðsluvefur Landssamtaka lífeyrissjóða um lífeyrismál. Vefslóðin er http://www.gottadvita.is/. Vefnum er skipt í tvo megin þætti.  Annars vegar er að finna mikilvægar spurningar og svör um lífeyrissjóðina og lífeyrisréttindi.
...
Meira