Aðalfundur Orlofsbyggðarinnar Flókalundi verður haldinn laugardaginn 19. Maí 2012  í Orlofsbyggðinni Flókalundi samkvæmt bókun aðalfundar 2008 og hefst kl. 13:00.

Dagskrá:
1.     Skýrsla stjórnar
2.     Ársreikningur
3.     Umræður um skýrslu stjórnar og ársreikning
4.     Rekstur og framkvæmdir
5.     Stjórnarkjör
6.     Önnur mál

Á dögunum undirrituðu fulltrúar Verk Vest og Ísafjarðarbæjar samkomulag um afslátt fasteignagjalda á Alþýðuhúsinu til næstu 10 ára. Með samkomulaginu má segja að fyrsta og mikilvægasta skrefið í endurnýjun tækja til kvikmyndasýnginga hafi verið stigið. Það var fyrst og fremst vegna velvilja bæjaryfirvalda sem stjórn félagsins ákvað að leggja í þá fjárfestingu sem endurnýjun tækjanna er. Félagið lýtur á þetta sem menningartengt samfélagsverkefni og hefur því leitað eftir styrkjum frá Menningarsjóði Vestfjarða og Landsbanka íslands.  Samningaviðræður eru nú hafnar við Laugarásbíó um kaup á tækjum, en er þar um að ræða tveggja ára gömul tæki sem passa við hljókerfi hússins sem var endurnýjað 2005. Nokkur bið verður þó að að bíósýningar geta hafist þar sem afhendingartími nýrra tækja til Laugarásbíós er um 3 mánuðir. Því má gera ráð fyrir að sýningar með nýjum tækjum geti hafist í lok ágúst eða byrjun september.

Vegna forfalla er laust á Hagamelnum frá 18. maí. Nú gildir reglan fyrstur kemur fyrstur fær.

LÍÚ tilkynnti Verk Vest síðdegis í gær að viðræðum aðilar um kaup og kjör sjómanna  yrði vísað til sáttasemjara. Samningar Verk Vest við LÍÚ hafa verið lausir frá því í janúar 2011 en á þeim tíma sem er liðinn hafa hafa kaupatryggingarákvæði og launaliðir samningsins fengið sambærilegar hækkanir og í almennu samningum Verk Vest við Samtök Atvinnulífsins. Megin ástæða þess að LÍÚ ákveður að deilunni verði vísað til Ríkissáttasemjara er að miklar kostnaðarhækkanir hafa orðið hjá útgerðinni ásamt því að miklar álögur hins opinbera hafa orðið á útgerðina. Nokkuð ljóst er að óvissa um framtíð greinarinnar sem útgerðarmenn telja að hafi skapast með framkomnun fiskveiðifrumvörpum ríkisstjórnarinnar spila einnig inn í þessa ákvörðun. Aðildarfélög sjómanna telja að afnám sjómannaafsláttarins ásamt fiskveiðifrumvörpunum nái þau fram að gang muni vega einna þyngst í viðræðunum sem eru framundan. Boðaður hefur verið fundur með samningsaðilum föstudaginn 18. maí og þá kemur í ljós hvort ástæða verði til frekari viðræðna eða deilunni vísað til ríkissáttasemjara.

Lítið hefur gengið í viðræðum Sjómannasambands Íslands (SSÍ) við Landssamband smábátasjómanna (LS), hefur ekki verið haldinn fundur í deilunni frá því um páska. En staðið hefur á svörum frá LS vegna atriða sem þá stóðu út af borðinu. Á samningafundi í gær milli SSÍ og LS var ljóst að lengra yrði ekki farið án aðkomu ríkissáttasemjara. Var því ákveði að vísa deilunnu með formlegum hætti inn á hans borð. Það hefur áður komið fram hér á vefnum að erfiðlega hafi gengið í samningaviðræðum við LS. Það hefur alltaf legið fyrir að stjórn Verk Vest sem afhendi SSÍ umboð til samningsgerðar vildi að viðræðunum yrði vísað til sáttasemjara um leið og ljóst var að LS myndi ætla draga lappirnar í málinu.