Mikil undiralda reiði samninganefnda aðildarfélaga ASÍ í garð svikinna loforða ríkisstjórnarinnar einkennir ályktanir sem aðildarrfélögin hafa verið að senda frá sér undanfarna daga. Í gær sátu formenn aðildarfélaga inna ASÍ á þriggja klukkutíma hita fundi þar sem hart var deilt á vinnubrögð ríkisstjórnarinnar. Niðurstaða fundarins varð þrátt fyrir allt að kjarasamningum yrði ekki sagt upp þrátt fyrir gríðarleg vonbrigði með svik ríkisstjórnar sem kennir sig við félagshyggju. Fulltrúar samninganefnda ASÍ hafa átti fundi með ráðherrum í gær og var stefnt að frekari viðræðum í dag. Ríkisstjórnin hefur til kl.16.00 í dag að koma með svör við kröfum launþega um efndir loforða. Sárust eru svikin varðandi lífeyrissjóðina og sú ótrúlega skammsýni stjórnvalda að skattleggja viðbótarlífeyrissparnað launþega.  Landssamböndin innan ASÍ hafa einnig verið að funda að undanförnu og sent frá sér yfirlýsingar eða ályktanir eitt af öðru. Hér fyrir neðan má nálgast ályktanir og yfirlýsingar frá þeim landssamböndum sem Verk Vest er aðili að.

Ályktun formannafundar SGS, Starfsgreinasambands Íslands.

Yfirlýsing frá LÍV, Landssambandi íslneskra verslunarmanna.

Samþykkt miðstjórnar Samiðnar, Sambands iðnfélaga.

Frekari umfjöllun má einnig nálgast á vef ASÍ.

Fyrr í morgun var kveðinn upp úrskurður hjá Héraðsdómi Vestfjarða þess efnis að verktakafyrirtækið KNH á Ísafirði væri gjaldþrota. Fyrirtækið hafði áður verið í greiðlustöðvun frá því í apríl 2011 og í framhaldi leitað nauðasamninga, en heimild til nauðasamninga var felld úr gildi í síðustu viku. Grímur Sigurðsson hrl hjá Landslögum hefur verið skipaður skiptastjóri. Með gjaldþrotinu missa 17 félagsmenn í Verk Vest  vinnuna, en þeim hafði áður verið sagt upp störfum í hópuppsögn hjá KNH ó lok október á síðasta ári. Verk Vest átti óformlegan fund með nokkrum fyrrverandi starfsmönnum í morgun þar sem farið var yfir réttarstöðu þeirra í gjaldþrotaferlinu. Fyrirhugað er að halda sameiginlegan fund Verk Vest og Vinnumálastofnunar þar sem farið verður betur yfir það ferli sem nú tekur við. Ljóst er að Verk Vest mun reyna að hlaupa undir bagga með félagmönnum  sem ekki hafa fengið greidd laun síðan 1. desember síðast liðinn. Félagið hefur að sjálfsögðu boðist til að sjá um launakröfur fyrir hönd sinna félagsmanna.

Sjá einnig umfjöllun á BB.IS

Fulltrúar þeirra stofnana í stoðkerfi Ísafjarðarbæjar sem komu að aðstoð við atvinnuleitendur á Flateyri eftir að fiskvinnslan Eyraroddi ehf. varð gjaldþrota, komu sama til fundar á Flateyri þann 12. janúar sl. Á fundinum, sem haldinn var í Sólborg á Flateyri, var farið yfir þau verkefni sem komið var af stað og hvernig þau hafa nýst atvinnuleitendum og samfélaginu á Flateyri. Mikið hefur mætt á starfsfólki þessara stofnana en að öðrum ólöstuðum má segja að Fræðslumiðstöðin hafi staðið vaktina með miklum sóma. Fjölmörg námskeið hafa verið haldin, bæði starfstengd og til sjálfstyrkingar. Má þar nefna íslensku kennslu, tölvunám, bókhald, vélastjórnarnám ásamt fiskvinnslunámi svo nokkur séu nefnd.

Þessi námskeið hafa gefið atvinnuleitendum meiri og fjölbreyttari möguleika. Atvinnuleitendur hafa þó orðið varir við að þeir sem hafa íslenskukunnáttu ganga frekar fyrir í vinnu en þeir sem ekki tala íslensku. Með þessum námskeiðum telja heimamenn að markmið Fræðslumiðstöðvarinnar að styrkja samfélagið hafi tekist mjög vel. Þetta merkir fólk á að meiri tenging er orðin innan samfélagsins meðal Íslendinga og fólks af erlendu bergi. Vinnumarkaðsátak í umhverfismálum sem unnið var í samstafi Vinnumálastofnunar og Ísafjarðarbæjar hefur einnig skilað jákvæðum straumum inn í samfélagið á Flateyri. Fræðslumiðstöðin mun halda út starfsemi á Flateyri fram á vorið og vonandi lengur ef áhugi, vilji og fjármunir verða til staðar.

Stjórn og trúnaðarráð Verk Vest kom saman til fundar í gær og var vel mætt. Helstu
dagskrárefni fundarins voru endurskoðun kjarasamninga ásamt
skattlagningu viðbótarlífeyrissparnaðar. All heitar umræður urðu um þann
farveg sem samningamál stéttarfélaga inna ASÍ eru komin í. Var það mál
fundarmanna að sú breyting sem orðið hefur með tilkomu forsendunefndar
ASÍ, sem fest hefur verið í sessi, að ákvörðunartaka um framhald
viðræðna sé á höndum örfárra einstaklinga en ekki samninganefnda
aðildarfélaganna. Það verði síðan verkefni samninganefndanna að taka við
keflinu ef forsendunefnd metur stöðuna þannig að segja verði samningum
upp....
Meira

Góður gangur hefur verið á fiskvinnslunámskeiði hjá starfsfólki Vísis á Þingeyri. Kennsla hófst þann 3. janúar og lýkur með útskrift síðar í dag. Þrátt fyrir að þátttakendur væru að nokkuð blönduðu þjóðerni, Íslendingar, Pólverjar, Thailendingar og einn frá Lettlandi, þá hefur námskeiðið gengið mjög vel og hafa skapast mjög líflegar umræður, sérstaklega um kjara og réttindamál. Verkalýðsfélag Vestfirðinga sendir þátttakendum námskeiðsins hamingjuóskir með áfangann og minnir á að von sé á framhaldsnámskeiðum þegar líður á árið. Félagið beinir þeim tilmælum til annarra fiskvinnslufyrirtækja á Vestfjörðum að taka vel á móti starfsfólki Fræðslumiðstöðvar Vestfjarða og staðfesta námskeið fyrir það starfsfólk sem ekki hefur lokið þessu kjarasamningsbundna námi.