Miðstjórn ASÍ hefur sent frá sér harðorða ályktun vegna einhliða
ákvörðunar ríkisstjórnarinnar um minni hækkun bóta til þeirra sem lökust
hafa kjörin í þjóðfélaginu. En ákvörðunin hefur í för með sér að
atvinnuleysisbætur hækka eingöngu um 5.500 krónur en ekki 11.000 krónur
þann 1. febrúar 2012. Þetta eru hrein og klár svik ríksisstjórnarinnar
sem kennir sig við velferð. Og til að bíta höfuðið af skömminni þá er
ætlun ríkisstjórnarinnar að halda til streitu svokölluðu 3ja mánaða
sveltitímabili langtímaatvinnulausra. Þetta þíðir ekkert annað en auknar
álögur á ílla stödd sveitarfélög sem bera framfærsluskyldu gagnvart
íbúum sínum sem hafa enga framfærslu sjálfir. Ekki meigum við heldur
gleyma atlögu ríkisstjórnarinnar að lífeyrissparnaði landsmanna með
skattlagningu á séreignarsparnað lífeyrissjóðanna. Ef fram fer sem
horfir þá ætlar ríkisstjórnin að sauma mjög harkalega að launþegum í
landinu á komandi mánuðum, slíku verður að spyrna við með ölum tiltækum
ráðum....
Meira

Senn líður að því að vinnuveitendur greiði starfsfólki desemberuppbót fyrir árið 2011. Uppbótin á að greiðast eigi síðar en 15. desember ár hvert, miðað við starfshlutfall og starfstíma. Þeir sem eiga rétt á uppbótinni þurfa að hafa verið í samfellt í starfi hjá atvinnurekanda í 12 vikur á síðustu 12 mánuðum eða eru í starfi fyrstu viku í desember. Í ár er einnig greitt sérstakt álag á desemberuppbótina, gilda sömu reglur um þessa greiðslu og gilda um greiðslu á desemberuppbót. Þessi álagsgreiðsla nemur kr. 15.000 fyrir árið 2011 og er eingreiðsla sem bætist við kjarasamingsbundna desemberuppbót.  Þannig verður desemberuppbót sem dæmi hjá Verslunar og skrifstofufólki með álaginu kr. 70.400 fyrir 100% starf.

Desemberuppbót fyrir árið 2011 er eftirfarandi án sérstaks álags fyrir 100% starf.
Almennt verkafólk og Iðnaðarmenn kr. 48.800
Verslunar og skrifstofufólk kr. 55.400
Starfsfólk sveitarfélaga kr. 75.500
Starfsfólk ríkisstofnana kr. 48.800
Starfsfólk Þörungaverksmiðjunnar Reykhólum kr. 81.276
Starfsfólk Kalkþörungaverksmiðjunnar Bíldudal kr. 64.032
Að auki skal greiða kr.15.000 sem er sérstakt álag á desemberuppbót fyrir árið 2011.

ATH. sérstaka álagsgreiðslan á desemberuppbót á ekki við um starfsmenn sveitarfélaga. Þeir eiga að fá sérstaka eingreiðslu kr. 25.000 þann 1.febrúar 2012 skv. grein 1.2.2 í kjarasamningi.

Vegna forfalla er hús nr. 9 í Svignaskarði laust til útleigu helgina 25 - 28. nóvember. Nú er um að gera að bregðast fljótt við því nú gildir reglan fyrstur kemur fyrstur fær.

Eins og fram kom í fréttum ruv.is og bb.is þá eru viðræður Sjómannasambands Íslands (SSÍ) við Landssamband smábátaeigenda (LS) um kaup og kjör sjómanna á smábátum hafnar. Fram kemur að mikið beri á milli deiluaðila, enda ekki að undra þar sem ekki er til heildstæður gildandi kjarasamningur um kjör smábátasjómanna á landsvísu. Í dag eru laun og réttindi margra smábátasjómanna fyrir borð borin og oft verið að gjaldfella réttindi þegar kemur að veikindum og slysum þessara sjómann.  Þetta hefur verið að skapa mikla óánægju hjá smábátasjómönnum enda á slíkt ekki að líðast að þessi réttindi séu gjaldfelld.

Fyrr í haust var hafinn undirbúningur að viðræðum við landshlutafélög LS á Vestfjörðum, Eldingu við Djúp, Krók á sunnanverðum Vestfjörðum og Strandamenn. Var ætlunin að Verk Vest ásamt Verkalýðs- og sjómannafélagi Bolungavíkur (VSB) ásamt Vestfjarðarfélögunum í LS settust að samningaborðinu og voru lögð fram drög að kjarasamningi. Því miður náðist ekki samstaða meðal LS manna á Vestfjörðum að fara þessa leið, þess vegna veittu Verk Vest og VSB Sjómannasambandinu umboð til að fara í kjaraviðræður við LS fyrir þeirra hönd. Þess má geta að Verk Vest og VSB tölu ríka hagsmuni liggja að því að semja heima, en því var hafnað.

Svört vinna mest á Vestfjörðum en minnst á Norðausturlandi !

Í tengslum við gerð kjarasamninga í vor skapaðist umræða
um hvernig minnka mætti svarta atvinnustarsemi og bæta viðskiptahætti í
landinu. Árangurinn var átaksverkefnið „Leggur þú þitt af mörkum?" sem
unnið var í samvinnu Ríkisskattstjóra (RSK), ASÍ og SA. Heimsótt voru
yfir tvö þúsund lítil og meðalstór fyrirtæki í sumar og fengu 55% þeirra
athugasemdir. Rætt var við sex þúsund starfsmenn og reyndust 12% þeirra
vinna svart, flestir á Vestfjörðum eða 18,5%. Vert er að vekja á því athygli að þrátt fyrir að einna minnst atvinnuleysi sé á Vestfjörðum, þá skuli hlutfall þeirra sem vinna svart vera eins hátt og kemur fram í skýrslunni. Tap þjóðarbúsins vegna svartrar
atvinnustarfssemi nemur 13,8 milljörðum á ári.
...
Meira