Góður hópur trúnaðarmanna Verk Vest víðsvegar af Vestfjörðum situr nú trúnaðarmannanámskeið sem haldið er í samstarfi við Félagsmálaskóla Alþýðu. Á námskeiðinu er farið yfir helstu mál er snúa að störfum trúnaðarmanna á vinnustaðnum ásamt grunnuppbyggingu vinnuréttarins. Námið fer fram í fundarsal Verk Vest á Ísafirði og sækja 13 trúnaðarmenn frá vel flestum sviðum vinnumarkaðarins námskeiðið.

Úrskurðarnefnd sjómanna og útvegsmanna hefur ákveðið 5% lækkun á verði þorsks og karfa í beinum viðskiptum milli skyldra aðila. Verðákvörðunin gildir frá og með 1. október 2011.

Stjórn og trúnaðarráð Verk Vest samþykkti á fundi þann 20. september að bókasöfnum á Vestfjörðum yrði fært eintak af fyrsta bindi sögu verkalýðsbaráttu á Vestfjörðum "Vindur í seglum" eftir Sigurð Pétursson sagnfræðing, en bókin kom út fyrr á þessu ári. Það var samdóma álit fundarins að sagan væri ekki eingöngu saga baráttunnar fyrir bættum kjörum heldur væri hún í senn atvinnu- og mannlífssaga Vestfjarða. Því væri því nauðsynlegt að þetta merka rit yrði sem aðgengilegast á öllu félagssvæði Verk Vest. Þess má geta að bókin var kynnt hjá Ísfirðingafélaginu í Reykjavík við góðar undirtektir og er því beint til annarra átthagafélaga af Vestfjörðum að gera slíkt hið sama. Rétt er að benda á að bókin er til sölu á skrifstofu félagsins á Ísafirði en einnig er hægt að nálgast hana í helstu bókaverslunum.

...
Meira

Verkalýðsfélag Vestfirðinga hefur boðað stjórn og trúnaðarráð félagsins til fundar annað kvöld, þriðjudaginn 20.september kl.20.00 í húsi félagsins á Ísafirði. Tilefni fundarins er kynning Atvinnuþróunarfélags Vestfjarða á atvinnuvegatölum fyrir fjórðunginn.  Shiran Þórisson verkefnastjóri Vaxtasamnings Vestfjarða mun sjá um kynninguna fyrir hönd Atvest. Að lokinni yfirferð Shirans verður  eftirfarandi dagskrá:

1.       Kynning á atvinnuvegatölum fyrir Vestfirði

2.       Trúnaðarmannanámskeið 6 -7. október

3.       Formannafundur ASÍ 26. Október

4.       Mjólkursamlagið

5.       Önnur mál