Nú þegar vetur er að ganga í garð þurfa bíleigendur sem ekki aka á
heilsársdekkjum að huga að dekkjaskiptum, en frá 1. nóvember er
leyfilegt að setja nagladekkin undir. Verðlagseftirlit ASÍ gerði
verðkönnun á skiptingu, umfelgun og jafnvægisstillingu fyrir nokkrar
tegundir bíla hjá 37 hjólbarðaverkstæðum víðsvegar um landið sl.
mánudag. KvikkFix í Kópavogi var með lægsta verðið í könnuninni á
þjónustu fyrir smábíla og meðalstóra fólksbíla, en allt að 3.300 kr.
verðmunur var á þeirri þjónustu á milli verkstæða eða 72%.
...
Meira

Nái hagræðingarhugmyndir bæjaryfirvalda í Ísafjarðarbæ í málefnum skólaliða hjá Grunnskóla Ísafjarðar fram að ganga munu tekjur skólaliða skerðast um 20%. Þessu hafa skólaliðar ásamt stéttarfélögunum Verk Vest og Fos Vest, mótmælt harðlega og krafist þess að ákvörðunin verði dregin til baka. Skólaliðar hafa sent bæjaryfirvöldum bréf þar sem skorað er á að fallið verði frá þessari ákvörðun. Verk Vest og Fos Vest hafa einnig sent bæjaryfirvöldum bréf þar sem félögin harma að þegar farið er í endurskipulagningu og sparnað þá skuli fyrst og fremst vera horft til láglaunastarfa við ákvarðanatöku.  Þá hafa félögin einnig brýnt fyrir bæjaryfirvöldum að verði ákvörðunin ekki tekin til alvarlegrar endurskoðunar sjái félögin sér ekki annað fært en að hvetja félagsmenn sína, sem starfa sem skólaliðar og uppfylla umsaminn vinnutíma, að yfirgefa vinnustað þó verkefnum dagsins sé ólokið. Sé unnið umfram umsaminn vinnutíma verði það greitt með yfirvinnu.  Félögin vilja líka minna á að sveitarfélagið fær útsvarstekjur af þessum yfirvinnustundum sem fyrirhugað er að skera af skólaliðunum og er þá vafasamt að reikna þessa hagræðingu til tekna hjá bæjarfélaginu. Einnig er fjallað um þessi mál á www.bb.is.

Alþingismönnum hafa verið sendar ályktanir frá þingi SGS er varða kjör
og hasmuni verkafólks á Íslandi. Hér fyrir neðan má lesa stutta
samantekt um þessar ályktanir. Einnig er hægt að nálgast ýtarefni með
því að smella á meira við hverja ályktun.




...
Meira

Vegna skyndilegra forfalla eru tvær af íbúðum félagsins í Reykjavík lausar nú um helgina. Íbúð við Hringbraut er laus frá deginum í dag til 19. okt. og íbúð í Ásholti er laus frá morgundeginum, 15. til 18. okt.

Nú er að drífa sig. Fyrstir koma - fyrstir fá.

Þing Starfsgreinasambands Íslands ( SGS ) verður haldið í Reykjavík dagana 13. - 14. október. Kjörorð þingsins er "horft til framtíðar", en gera má ráð fyrir að skipulagsmál SGS verði nokkuð fyrirferðamikil á þinginu ásamt umræðum um atvinnu og kjaramál. Þingið sitja 137 fulltrúar frá 18 félögum víðsvegar af landinu. Verk Vest á þrjá fulltrúa á þinginu þau Finnboga Sveinbjörnsson, Ólaf Baldursson, og Gunnhildi B. Elíasdóttur. Hægt er að nálgast dagskrá þingsins hér en nánar verður fjallað um málefni þingsins á síðu félagsins næstu daga,